{[['
']]}
']]}
من تقديم أم المختار
اليوم بغيت نشارككم بهاد الطارط لصاوبت انا و بنتي هاد لعشية،غي سكتو روينة فالكوزينة
ولكن ان واعدتها باش نديروها فاويكند وكان خاصني نوفي بوعدي لها
مقادير العجين
300gr ديال الطحين
150gr سكر
معلقة صغيرة خميرة دلكاطو
شوية دلملحة
150grزبدة لينة
بيضة
الحشوة
3تفاحات
شوية الزبيب
معلقة كنفتير
شوية قرفة
معلقة حليب غبرة
فزكي الزبيب فزلافة عامرة بالما نصف ساعة قبل
عجني العجينة و خليها ترتاح شوية بيدمن وجدتي الحشوة
وجدي دابة الحشوة
قطعي التفاح مربعات صغيرة و رشيه بالحامض باش مايكحالش
زيدي عليه معلقة قرفة و م كنفتير و م حليب غبرة وخلطيه مزيان
دلكي العجينة شوية وديريها فالمون, خلي شوية باش تزوقي به
صبي الخليط فيها
دهنيها بشوية دابيض،انا دهنتها هناغي بالحليب
نتمنى تعجبكم
